السلام عليكم ورحمه الله وبركاته..}..
صبـــآآح/,, اليآسمين..~
رفعت كفي .. ماقدرت ارفـع الصـوت
لو كـان في الخاطـر .. كـلام ٍ كتمتـه
لحظه ودآع / وكنهـآ سكره المـوت
ضاع الطريق .. اللي من اول رسمتـه
ضاع الطريق وصرت في الدرب مبهوت
مدر ي وش اللي فاتني مـا اغتنمتـه !
العمر مرّ .. وراح مع فايـت الفـوت
صحيح ضعت .. وضاع حلـم ٍ حلمتـه
الا انت ياللي قربـك لروحـي القـوت
لو غبت / يبقى وسمك اللـي وسمتـه
يبقى كما نقش ٍ على الصخر منحـوت
حفظتـه .. بشكلـه ولونـه وسمتّـه
مهما الفراق اوجـاع والبعـد ممقـوت
اصبح مصير ٍ من غـلاك / احترمتـه
دمع النصر لو طاح من عين جالوت
عين العقل دمع ٍ تكنّـه / حشمتـه
ذخرت لك يافرحـة العمـر .. تابـوت
فيـه الغـرام اللـي بديتـه / ختمتـه
يبقى الغصن لو مابقى في الغصـن تـوت
تحـرك انسـام الذعاذيـع .. صمتـه
سكّت .. وانا مـن موادعـك مكبـوت
شي ٍ تجاهلتـه .. وشـي ٍ فهمتـه !
حبل الرجاء من جور الايـام مفلـوت
ياليت قلبـي عـن فراقـك عصمتـه
ياما .. بنيت بيـوت وبيـوت وبيـوت
اليوم .. كـم بيـت ٍ بنيتـه .. هدمتـه
وسلامتكم
منقول
ليست هناك تعليقات:
إرسال تعليق